Hacı Hacıyev :DAH vətənimizin azad, ədalətli və demokratik inkişafi uğrunda calışan insanların birliyidir

Demokratik Azərbaycan Hərəkatının bu günü və gələcəyini necə görürsünüz

Hərəkatın bu günü artıq göz qabağındadır, xeyli rezonans doğurub və zənnimcə sıraları da genişlənməkdədir. Gələcək isə özümüzdən asılıdır. Hərəkatın əsas hərəkətverici qüvvəsi fundamentinin səmimilik, şəffaflıq və dürüstlük prinsiplərinə söykənməsidir.
Əgər biz ilkin gündən qarşıya qoyduğumuz məqsədə – ölkədə azad, ədalətli və bərabər seçkilərin keçirilməsi, demokratik mühitin formalaşması, mətbuat, söz və düşüncə azadlığına nail olunması istiqamətində səylərimisi bu prinsiplər əsasında davam etdirəcəyiksə, güman edirem ki, bu barədə narahat olmağına dəyməz
Yeni yaranan bu hərəkata qarşı təzyiqlər oldu Sizcə bu hakimiyyətin manevridir

Hakimiyyətin təzyiqləri və ya əl altından onun məram və məqsədlərindən sapılmasına çalişmasını hər zaman gözləyə bilirik. Burda söhbət həm birbaşa müdaxilədən, həm də dolayısı yollarla, zəif xarakterli adamların fikirlərindən döndərilməsindən tutmuş, ayrı ayrı şəxslərin birbaşa ələ alınması, hərəkat daxilində tefriqə salınmasınadək çox geniş spektrdən gedə bilər. Buna qarşı davam gətirmək də özümüzdən asılıdır

Son günlər mətbuat DAH-ın aksiyasından danışır, sizcə bunun hər hansı təsir formaları olacaqmı

DAH-ın adını çəkdiyiniz aksiyası özü elə bir təsir formasıdır. Bu tipli tədbirlərin ərsəyə gətirilməsi o qədər də asan başa gələn bir iş deyil. Onun ücün həm təbliğat bazasının formalaşdırılması, həm təşkilatı işlərin görülməsi, həm də ölkələrarası koordinasiyanın gerçəkləşdirilməsi tələb olunur. Hələlik yükün ağırlığı çox məhdud sayda dostların çiyinləri üzərinə düşür. Aksiyanın təsir göstərib göstərməməsinə vizual bir baxiş, onun artıq indidən bəzi dairələrdə həyəcana səbəb olması qənaətinə gətirir. Bir sözlə, gedilən yol doğrudur, sadəcə bu istiqamətdə səyləri daha da gücləndirməyə çalişmalıyıq
İstənilən an hakimiyyət öz çirkin ideyaları ilə xalqımızı susdurmağa çalışır, məgər artıq xalqımız ayılıbmı
Hələ tam ayılmamışşıq. Ortada at oynadan çoxsaylı psevdopatriot, psevdodemokratik qüvvələr var ki, onlar bu gün bilərəkdən və ya bunu özləri də hiss etmədən faktiki olaraq hakimiyyətin beşinci kolonnası rolunu oynayır. Bu qüvvələrin üstünlüyü ondadır ki, onlar intellektə və ya demokratik prinsiplərə söykənmədən savadsız çoxluğun emosiyasına birbaşa təsir göstərmək imkanına malikdir. Etiraf etməliyik ki, son iki onillikdə bu hakimiyyət xalqımızın böyük hissəsinin beynini yuya bilmişdir və bu baxımdan da insanlarımız ağıllı sözə deyil, pafosa daha çox inanır. Təzədən sıfir nöqtəsinə qayıtmaq ücün xeyli enerji sərf etməliyik

DAH-da üzv olmağınıza peşman deyilsinizmi

Nədən? DAH  vətənimizin azad, ədalətli və demokratik inkişafi uğrunda calışan insanların birliyidir. Ona görə də onun sıralarında olmaqdan peşimançılıq hissi keçirmək deyil, bununla qürur duymaq lazımdır. Hansını ki, mən edirəm